31 yanvar kuni Toshkent shahridagi muhtasham “Bunyodkor” stadionida katta futbol. Yurtimizda 2017 yilgi futbol mavsumining ilk rasmiy uchrashuvi – OCHL o‘tish bosqichida, “Nasaf” Baxraynning “Al-Hidd” jamoasini qabul qiladi.

Raqibimiz Baxraynning “Al-Hidd” klubi rasmiylari va futbolchilari ertaga, 28 yanvar kuni Toshkent shahriga tashrif buyurishadi. Klub delegasiyasini bag‘riga olgan havo layneri, kech soat 17:40da Toshkent xalqaro aeroportiga kelib qo‘nadi. “Al-Hidd” klubi delegasiyasi 11 nafar rasmiylar va 18 nafar futbolchilardan iborat.

“Al-Hidd” jamoasining Toshkentga tashrif buyuradigan futbolchilari quyidagilardan iborat: Abbos Xamis,  Hamad  Albanki, Abdulla Baba Fatadi, Aliabdulla  Hasan, Efidayo Omasui (Nigeriya), Said Muhammad Husayn, Ibrohim Alabayidli, Axmad Ibrohim Alxattal, Iso Musabbih (s), Rashid Xalil Alxuti, Okarandut Orok (Nigeriya), Muhammad Aldovud (Iordaniya), Xolid Alshamhari, Ali Said Alshahobi, Muhammad Maki Ali, Uche Agba (Nigeriya), Muhammad Almulla, Axmad Bug‘ammar.

Mehmonlar “Miran international”da istiqomat qilishadi.

Mehmonlar delegasiyasini klubimiz rasmiylari aeroportda kutib olishadi.

Eslatib o‘tamiz, mazkur uchrashuv 31 yanvar seshanba kuni “Bunyodkor” stadionida soat 16:00da boshlanadi.