Futbol eksperti bo‘lib ishlayotgan Uels terma jamoasining sobiq futbolchisi Robbi Sevij «Liverpul» klubining yanvar oyidagi salbiy natijalariga izoh berdi.
«Mane Afrika kubogiga ketgach, «Liverpul» faqat 1 marta g‘alaba qozona oldi. U ham quyi liga vakili «Plimut» ustidan. Jamoaning yangi yildagi natijalari Klopp tomonidan amalga oshirilayotgan rotasiyani oqlamayapti. Balki u Mane o‘rniga boshqa futbolchini olgani ma’qulroqmidi, biroq endi kech.
Ammo, pasayishni to‘xtatish uchun «Liverpul» klubida kuch topiladimi? Balki topilar, biroq «Liverpul» top-6 klublar ichida eng kuchsiz tarkibga ega jamoadir» - dedi Sevij.
