Toshkentning “Bunyodkor” jamoasi bugun Navoiyning “Qizilqum” jamoasi bilan nazorat uchrashuvi o‘tkazdi.

“Qaldirg‘ochlar” 25 yanvar kuni ham “Qizilqum” klubi bilan o‘rtoqlik uchrashuvi o‘tkazib, Jovlon Ibrohimov va Javohir Qahramonovning gollari evaziga raqibni 2:0 hisobida mag‘lubiyatga uchratgan edi.

Oradan uch kun o‘tib, bu ikki jamoa yana o‘zaro uchrashuv o‘tkazishdi. Bu safar ham Sergey Lushchan shogirdlari g‘alaba qozonishdi. Birinchi bo‘lim oxirlarida Dostonbek Hamdamov jarima zarbasidan hisobni ochgan bo‘lsa, oradan ko‘p o‘tmay navoiyliklar Maksim Yurkuning goli evaziga hisobni tenglashtirishdi. Tanaffusdan keyin Jovlon Ibrohimov uzoq masofadan Erkin Jabborov qo‘riqlagan darvozani aniq ishg‘ol qildi. Biroz o‘tib, Otabek Shukurov boshlagan hujumni Eldor Shomurodov davom ettirdi va hujumdagi sherigi Javohir Esonqulovni qulay vaziyatga chiqardi. Esonqulov esa yakuniy natija 3:1 bo‘lishini ta’minladi.

O‘rtoqlik uchrashuvi
“BUNYODKOR” – “QIZILQUM” 3:1 (1:1)
Gollar: Dostonbek Hamdamov, Jovlon Ibrohimov, Javohir Esonqulov – Maksim Yurku
“Bunyodkor”: Murodjon Zuhurov, Dilshodbek Ahmadaliyev, Dushan Michich, Rustamjon Ashurmatov, Akramjon Komilov, Otabek Shukurov, Jovlon Ibrohimov, Alisher Sanoyev, Dostonbek Hamdamov, Eldor Shomurodov, Shahzodbek Nurmatov
Zaxiradan maydonga tushganlar: Dilshod Xamroyev, Xurshid G‘iyosov, Shoxruh Gadoyev, Nurillo To‘xtasinov, Javohir Esonqulov