«Navbahor» yarim himoyachisi Alisher Mahmudov yangi mavsumni boshqa jamoada o‘tkazadigan bo‘ldi.
«Buxoro»da ish boshlagan Ulug‘bek Baqoyev Alisherni o‘z jamoasiga taklif qildi.
«Navbahor»ni yaqinda tark etgan hujumchi Abdumalik Abdullayev esa jamoaga qaytarildi. Futbolchi hozircha yoshlar jamoasi bilan birga.
Kecha besh nafar futbolchi yangi mavsumni “Navbahor”da o‘tkazishi rasman hal etildi. Xususan jamoa mashg‘ulotlarida ishtirok etayotgan Oybek Qilichev, Mansur Saidov va iqtidorli futbolchi Asilbek Omonov bilan shartnoma imzolandi.
Shuningdek, o‘tgan mavsumda “Navbahor” sharafini himoya qilgan himoyachi Tohir Shamsitdinov va yarim himoyachi A’zam Aliyev bilan amaldagi shartnoma muddatlari uzaytirildi. Bunga qadar Jahongir Mehmonov, G‘iyos Komilov, Mirzohid G‘ofurov, Ro‘zimboy Ahmedov, Nemanya Yovanovich, Alisher Samatov bilan ham kelishuvga erishilib, jamoa sardori Dilshod Jabborov va mahoratli yarim himoyachi Azizbek Turg‘unboyev bilan amaldagi shartnoma muddati uzaytirilgandi.
