Argentina terma jamoasining bosh murabbiyi Edgardo Bausa «Inter» qarorgohiga tashrif buyurdi.
Football Italia xabariga ko‘ra, mutaxassis jamoa mashg‘ulotini kuzatdi va vatandoshi Mauro Ikardi bilan uchrashib, uzoq vaqt davomida suhbatlashib oldi.
Avvalroq, Bausa Ikardi uchun terma jamoa eshiklari yopilmagani, uning chaqiruv olmayotganiga sabab Messining taqiqi emasligi haqida gapirgandi.
Joriy mavsumda Ikardi «Inter» tarkibida 29 o‘yin o‘tkazib, 17ta gol urgan va 8ta golga hammualliflik qilgan.