Bugun Toshkent vaqti bilan soat 00:45da bo‘lib o‘tishi kerak bo‘lgan "Selta" - "Real Madrid" jamoalari o‘rtasidagi uchrashuv ayni paytda Ispaniyaning Vigo shahrida noqulay ob-havo hukmron bo‘lib turgani tufayli noma’lum muddatga qoldirildi.
Ispaniya Professional futbol ligasi mas’ullari futbol o‘ynashga halaqit qiluvchi ob-havo tufayli mazkur o‘yinni boshqa kuni o‘tkazishga qaror qilishdi.
Shu sababli bugun "Selta" - "Real Madrid" o‘rtasidagi o‘yin UZREPORT TV telekanalida namoyish etilmaydi. Mazkur uchrashuvning o‘tkazilish sanasi aniq bo‘lishi bilan darhol ma’lumot berib o‘tamiz.
Qolgan uchrashuvlar belgilangan jadval bo‘yicha jonli efirda namoyish qilinadi.
