«Barselona» yarim himoyachisi Fermin Lopes Madridning «Real» klubi rahbari Florentino Peresning shov-shuvli bayonoti haqida o‘z fikrlarini bildirdi. Yaqinda bo‘lib o‘tgan matbuot anjumanida «qaymoqranglilar» prezidenti uning klubidan La Liganing yettita tituli «o‘g‘irlanganini» ochiqchasiga da’vo qilgan edi.
«Biz uning so‘zlarini eshitdik, lekin buning iloji yo‘q. Hozir ishlarimiz joyida, shuning uchun yangi sovrinlar ham uzoqda emas deb o‘ylayman. Siz yutqazganingizda g‘azablanishingiz tabiiy, ammo «Real» buni shunchaki qabul qilishi kerak. Ular g‘alaba qozonishganida, biz ham mag‘lubiyatni tan olamiz», — deya Ferminning so‘zlarini keltirmoqda Que T'hi Jugues.
Eslatib o‘tamiz, 11 may kuni «ko‘k-anorranglilar» «El-Klasiko»da «Real»ni 2:0 hisobida mag‘lub etib, muddatidan oldin ketma-ket ikkinchi bor La Liga chempionligini qo‘lga kiritgan edi.
