"Inter" bosh murabbiyi Stefano Pioli Italiya chempionatining 23-turida "Yuventus"dan uchralgan mag‘lubiyatdan so‘ng (0:1) fikrlarini bildirdi.

"O‘tkazib yuborilgan gol mening jahlimni chiqardi, biz burchak to‘pi oldidan noto‘g‘ri joylashgan edik. Kuadrado biroz oldin ham xuddi shunday vaziyatdan zarba bergan edi.

Birinchi bo‘limda bizga ikki marta penalti berishmadi, hatto qo‘shimcha hakam voqealar joyidan 23 santimetr masofada turgan bo‘lsa ham. Oxirgi daqiqada Perishichga ko‘rsatilgan qizil kartochka ham bahsli ko‘rindi.

"Yuventus" bilan teng o‘ynadik, ko‘plab vaziyatlar yaratdik, ammo vaziyatlarni o‘zimizga og‘dira olmadik. Takroriy lavha aniq ko‘rsatmoqda: Manjukichning foli - bu penalti. Men avval himoyachi bo‘lganman va aytishim mumkinki, Kyellini o‘z o‘yinchisini yo‘qotib qo‘ydi va Ikardini tirsagi bilan turtdi.

Muhim vaziyatlarda qarorlar bir tomonning foydasiga chiqarildi", - deydi Pioli.