"Интер" бош мураббийи Стефано Пиоли Италия чемпионатининг 23-турида "Ювентус"дан учралган мағлубиятдан сўнг (0:1) фикрларини билдирди.
"Ўтказиб юборилган гол менинг жаҳлимни чиқарди, биз бурчак тўпи олдидан нотўғри жойлашган эдик. Куадрадо бироз олдин ҳам худди шундай вазиятдан зарба берган эди.
Биринчи бўлимда бизга икки марта пенальти беришмади, ҳатто қўшимча ҳакам воқеалар жойидан 23 сантиметр масофада турган бўлса ҳам. Охирги дақиқада Перишичга кўрсатилган қизил карточка ҳам баҳсли кўринди.
"Ювентус" билан тенг ўйнадик, кўплаб вазиятлар яратдик, аммо вазиятларни ўзимизга оғдира олмадик. Такрорий лавҳа аниқ кўрсатмоқда: Манжукичнинг фоли - бу пенальти. Мен аввал ҳимоячи бўлганман ва айтишим мумкинки, Кьеллини ўз ўйинчисини йўқотиб қўйди ва Икардини тирсаги билан туртди.
Муҳим вазиятларда қарорлар бир томоннинг фойдасига чиқарилди", - дейди Пиоли.
