«Real» noqulay ob-havo sharoiti tufayli, Ispaniya chempionatidan o‘rin olgan «Selta» klubiga qarshi o‘yinning boshqa muddatga qoldirilishidan norozi bo‘ldi.
Galisiyada yuz berayotgan bo‘ron sababli, o‘yin Ispaniya professional futbol ligasi tomonidan qoldirilgan edi.
«Real» prezidenti Florentino Peres bundan norozi bo‘ldi va Ispaniya chempionatini tark etib, Yevropa superligasiga o‘tib ketish bilan tahdid soldi. Bu loyiha Yevropaning grand klublari tomonidan bir necha yillardan beri muhokama qilinayotgan bo‘lib, International Champions Cup ko‘rinishida qisman joriy qilingan edi.
O‘z navbatida, «Selta» klubi Peresning bu qilig‘idan hayron ekanini, klub prezidenti o‘z manfaatini muxlislar va futbolchilarning xavfsizligidan yuqori qo‘yishidan taajjubda ekanini bildirdi.
