«Реал» ноқулай об-ҳаво шароити туфайли, Испания чемпионатидан ўрин олган «Сельта» клубига қарши ўйиннинг бошқа муддатга қолдирилишидан норози бўлди.
Галисияда юз бераётган бўрон сабабли, ўйин Испания профессионал футбол лигаси томонидан қолдирилган эди.
«Реал» президенти Флорентино Перес бундан норози бўлди ва Испания чемпионатини тарк этиб, Европа суперлигасига ўтиб кетиш билан таҳдид солди. Бу лойиҳа Европанинг гранд клублари томонидан бир неча йиллардан бери муҳокама қилинаётган бўлиб, International Champions Cup кўринишида қисман жорий қилинган эди.
Ўз навбатида, «Сельта» клуби Переснинг бу қилиғидан ҳайрон эканини, клуб президенти ўз манфаатини мухлислар ва футболчиларнинг хавфсизлигидан юқори қўйишидан таажжубда эканини билдирди.
