Yangi mavsumga tayyorgarlikni Toshkentda o‘tkazayotgan «Dinamo» jamoasi navbatdagi o‘rtoqlik uchrashuvini Navoiyning «Qizilqum» klubiga qarshi o‘tkazdi.
Qiziqarli kechgan nazorat o‘yinida har ikki jamoa murabbiylari bir qator futbolchilarni sinovdan o‘tkazishdi. Shu kuni «Qizilqum» safida Erkin Boydullayev, Ilhom Yunusov singari «Dinamo»ning samarqandlik sobiq futbolchilari to‘p surishdi.
O‘yinning 26-daqiqasida navoiyliklar himoyachisi Azizbek Usmonov tomonidan kiritilgan gol «Qizilqum»ga yakunda g‘alaba keltirdi.
Nazorat uchrashuvi. Toshkent.
9 fevral (payshanba)
«DINAMO» - «QIZILQUM» - 0:1
Gol: Azizbek Usmonov, 26.
«Dinamo»: Mixail Naumov, Hakimxon A’lamxonov, Bunyod Isroilov, Mirkomil Lokayev, Firdavs Abdusalimov, Aleksey Nikolayev, Iskandar Xolmirzayev, Komil Sharofutdinov, Javohir Qahramonov, Amirjon Safarov, Abdumalik Abdullayev.
Zaxira futbolchilari: Rustam Toshturdiyev, Akmal Bozorov, Temur Fayzullayev, Jonibek Ko‘chimov, Asomiddin Mamatov, Ubaydullo Nabiyev, Sardor Rasulov, Dilmurod Qodirov, Nuriddin Hasanov.
«Dinamo» jamoasi navbatdagi uchrashuvni 12 fevral, yakshanba kuni «Navbahor» klubiga qarshi o‘tkazadi.
