«Yuventus» klubining sobiq himoyachisi Martin Kaseres faoliyatini Ispaniyada davom ettirishi mumkin.
«Barselona» klubi futbolchining xizmatiga qiziqmoqda va yaqin orada bu borada muzokara boshlamoqchi, deb xabar beradi Tuttomercatoweb. Himoyachi Aleysh Vidalning jarohat olishi va 5 oyga safdan chiqishi natijasida, «Barselona» 29 yoshli Kaseres bilan shartnoma imzolashi mumkin.
Kaseres 2016 yildan buyon erkin agent maqomida yuribdi. Yanvar oyida u «Milan» va «Beshiktosh» bilan muzokara o‘tkazgandi, ammo tomonlar shartnoma borasida kelishuvga erishmadi.