«Manchester Siti» bosh murabbiyi Xosep Gvardiola Angliya kubogidan o‘rin olgan «Haddersfild» (0:0) klubiga qarshi o‘yindan so‘ng, o‘z fikrlarini aytdi.
«Natijadan xafa emasman. Bugun bizga chempionshipdagi eng yaxshi jamoalardan biri qarshilik qildi. Maydonning holati og‘ir bo‘lishiga qaramasdan, biz yaxshi ishladik. Ikki kun oldin bu yerda regbi o‘yini bo‘lib o‘tdi. Natijada maydonning holati yomonlashgandi.
«Haddersfild»ni tabriklayman, bu yaxshi jamoa ekanini isbotladi. Natijadan shikoyat qilmayman, jamoa men bergan ko‘rsatmalarni bajardi» - dedi mutaxassis VVS xabarida.
Eslatib o‘tamiz, endi bu jamoalar Manchester shahrida javob o‘yinini o‘tkazadi.
