Toshkentning “Bunyodkor” jamoasi Jidda shahridagi ilk mashg‘ulotini o‘tkazdi.

“Qaldirg‘ochlar”ning bugungi tayyorgarligi “Al-Ahli”ning uy arenasi – “Sport Siti” stadioni mashg‘ulot maydonida o‘tkazildi. Sergey Lushchan boshchiligida olib borilgan mashg‘ulotda jamoa bilan Jidda shahriga olib kelingan barcha 18 nafar futbolchi qatnashdi va jarayon roppa-rosa bir soat davom etdi.

Yigitlarning kayfiyatlari a’lo darajada ekanligi va guruh bosqichi startidagi natija ahamiyati qanchalik yuqori ekanliklarini juda yaxshi tushunib turishibdi.

Bugun o‘yinoldi rasmiy tadbirlar bor. Soat 15:00da jamoalar menejerlari ishtirokida yig‘ilish bo‘lsa, 16:00dan e’tiboran har ikkala bosh murabbiylar va bittadan yetakchi futbolchilar OAV vakillari savollariga javob qaytarishadi. Shundan keyin “Al-Ahli” (soat 19:00da) va “Bunyodkor” (20:00) futbolchilari “Sport Siti” arenasida rasmiy mashg‘ulot olib borishadi.

Eslatib o‘tamiz, “Al-Ahli” – “Bunyodkor” uchrashuvi 21 fevral, seshanba kuni mahalliy vaqt bilan 20:15da (Toshkentda 22:15 bo‘ladi) boshlanadi.