«Bornmut» shifokorlari futbolchilarning jismoniy holatini maromida ushlab turish uchun o‘ziga xos usul o‘ylab topishdi.

Bundan buyon, jamoa a’zolariga uyqudan oldin pushtirang shishali ko‘zoynak taqishlari belgilab qo‘yildi, deb xabar bermoqda ESPN.

«Bornmut» shifokori Kreyg Robertsning gapiga ko‘ra, futbolchilar yarim tungacha televizor ko‘rishadi, telefon va planshetlardan foydalanishadi. Natijada, ular taratayotgan ko‘k rang melatonin moddasini ishlab chiqarishini kamaytiradi va odamlar ancha vaqtgacha uxlay olmaydi.

Uyqudan 2 soat oldin taqilgan pushtirang shishali ko‘zoynak esa texnikaning zararli ta’sirini kamaytiradi va uyquning yaxshilanishiga olib keladi.