"Suonsi Siti" bosh murabbiyi Pol Klement APLning 26-turida "Chelsi" bilan uchrashuvdan so‘ng (1:3) fikrlari bilan o‘rtoqlashdi.
"Raqib bizdan ko‘ra ko‘proq vaziyatlar yaratdi va g‘alabaga munosib bo‘ldi. Ularda qoyilmaqom tarkib bor. Biz 90 daqiqada himoyada maksimal ishonchli o‘ynashimiz kerak edi, ammo bu vazifani uddalay olmadik.
"Chelsi" fantastik formada va jadvaolda haqli karvonboshilik qilmoqda. Azar har doimgiday xavfli, Kosta faqat darvozani mo‘ljallaydi. Agar ular shu tarkib asosini 3-4 mavsum saqlay olsalar, ular aqlbovar natijalarga erishishlari mumkin", - deydi Klement.