Italiya chempionatining 26-turi doirasida markaziy o‘yin "San-Siro" stadionida bo‘lib o‘tdi. "Inter" mehmoni bo‘lgan "Roma" g‘alaba qozonishga muvaffaq bo‘ldi.

Uchrashuvda faol harakat qilgan Nainggolan raqib darvozasiga 2ta gol urishga muvaffaq bo‘ldi. O‘yinning 12 va 56-daqiqalarida u Xandanovichni xafa qildi. Bahs tugashiga 9 daqiqa qolganida Ikardi "neradzurri"ning bitta javob to‘pini kiritdi. Ammo oradan ko‘p o‘tmasdan Perotti penaltidan samarali foydalanib, o‘yindagi yakuniy hisobni o‘rnatdi.

Ushba g‘alabadan keyin "Roma" o‘z ochkolarini 59taga yetkazib, "Yuventus"ni ta’qib qilishda davom etadi. "Inter" esa 6-o‘ringa tushib qoldi.

Italiya A seriyasi, 26-tur
Inter – Roma 1:3 (0:1, 1:2)
Gollar: 0:1 – 12 Nainggolan, 0:2 – 56 Nainggolan, 1:2 – 81 Ikardi, 1:3 – 85, penalti Perotti.
Inter – Xandanovich, Medel, Murilyo, D`Ambrozio, Joau Mariu (Banega, 80), Kondogbia, Kandreva (Gabriel, 75), Brozovich (Eder, 55), Perishich, Galyardini, Ikardi.
Roma – Shchensni, Fasio, Manolas, Jezus, Bruno Peres (Vermalen, 89), Nainggolan, Strotman, Saloh (Perotti, 71), de Rossi (Paredes, 84), Ryudiger, Jeko.
Ogohlantirishlar: Perishich (6), de Rossi (40), Fasio (83), Murilyo (83).