“Qo‘qon-1912” – “Nasaf” (1:2) uchrashuvidan keyingi matbuot anjumanida mehmonlar ustozi Ro‘ziqul Berdiyev ishtirok etdi.
"Muxlislarni yangi mavsum boshlangani bilan tabriklayman. O‘yin borasida aytadigan bo‘lsak, g‘alaba osonlikcha qo‘lga kitilgani yo‘q. Aslida shunday bo‘lishini bilardik. Raqibimiz bugun asosan uzun paslar bilan o‘ynashini bilgan holda shogirdlarimga ko‘rsatma bergandim.
Hozirgi holatda maydonlarning sifati u qadar yaxshi emasligini bilgan holda shogirdlarimni aynan mana shunday stadionda mashg‘ulot o‘tkazgandik.
“Qo‘qon-1912” jamoasi borasida yana shuni aytish joizki, qo‘qonliklar hali ko‘plab jamoalarga bosh og‘riq bo‘lishadi" - dedi Berdiyev.
