«Arsenal» hujumchisi Aleksis Sanches Yevropa chempionlar ligasining nimchorak final bosqichi doirasida «Bavariya»ga qarshi o‘yin arafasida jamoa safida shug‘ullanmoqda. Bugun mashg‘ulot oldidan chililik futbolchi va "kanonirlar" bosh murabbiyi Arsen Venger o‘zaro qo‘l tashlashdi.

Shu kunlarda Sanches "Arsenal" bosh murabbiyi Arsen Venger bilan urishib qolgani uchun jamoadan ketishi mumkinligi haqida xabarlar tarqalgandi. Shuningdek, ingliz matbuot tarqatgan xabarga ko‘ra, "Liverpul"ga qarshi o‘yindan bir necha kun avval chililik futbolchi mashg‘ulot paytida bir nechta jamoadoshlari bilan urishib qolgan va mashg‘ulotni erta yakunlagan. APLning 27-turi doirasida bo‘lib o‘tgan o‘yinda Aleksis boshlang‘ich tarkibga kiritilmadi va tanaffusdan keyin maydonga tushdi.

«Arsenal» — «Bavariya» o‘yini 7 mart kuni tunda Londonda bo‘lib o‘tadi. Myunxenda bo‘lib o‘tgan dastlabki uchrashuvda «Arsenal» 1:5 hisobida imkoniyatni boy berdi.