8 mart kuni "Lokomotiv" O‘zbekiston XXVI milliy chempionatidan o‘rin olgan dastlabki uy uchrashuvini o‘tkazadi. Shu kuni "temiryo‘lchilar" TTZdagi "Lokomotiv" stadionida "So‘g‘diyona"ni qabul qilishadi.
Ertaga, 7 mart kuni esa jamoa yangi futbolchilarni keng ommaga tanishtiruv marosimini o‘tkazadi. Mazkur tadbir "Lokomotiv" stadionining matbuot anjumanlari zalida tashkil etiladi va soat 14:30da boshlanadi.
Yangi mavsum oldidan, "Lokomotiv" safiga yetti nafar futbolchi kelib qo‘shildi. Bular - Muhammad Kone, Nyore Krizo, Shuhrat Muhammadiyev, Diyor Turopov, Murod Bobojonov, Salamat Qutiboyev va Jaloliddin Masharipov.
Ertangi tadbirga keluvchi jurnalistlar o‘zlari istagan futbolchi bilan suhbatlashish hamda suratga tushish imkoniga ega bo‘lishadi. "Lokomotiv" ushbu mavsum hisobidan hozircha uchta o‘yinda maydonga tushdi va OAV xodimlari yangi futbolchilarimiz haqida qisman bo‘lsa-da tasavvurga egalar.
Demak, ertaga futbol sohasida faoliyat yuritayotgan barcha turdagi OAV vakillarini tanishtiruv marosimiga taklif etib qolamiz.
