Shu yilning 3-4 mart kunlari Butunjahon boks seriyalari (WSB) musobaqasining birinchi davra bellashuvlari o‘tkazildi.
An’anaga ko‘ra, WSB rasmiy tvitter sahifasida ilk davraning eng yaxshi bokschisini aniqlash maqsadida so‘rovnoma o‘tkazildi. Ushbu so‘rovnomada “Colombia Heroicos” jamoasi sharafini himoya qilayotgan Yurberjen Martines, “Astana Arlans” jamoasidan Ilyas Suleymenov va “Uzbek Tigers” a’zosi Hasanboy Do‘smatov ishtirok etishdi.
Ovoz berish yakunlariga ko‘ra, hamyurtimiz Hasanboy 55% ovoz to‘plab so‘rovnomada g‘alaba qozondi. Keyingi o‘rinlardan Yurberjen Martines (41%) va qozog‘istonlik Ilyas Suleymenov (3%) joy oldi.
