“Lokomotiv” jamoasi Oliy liga 2-tur uchrashuvlari doirasida “So‘g‘diyona” bilan bahs yuritdi va 3:0 hisobida g‘alabaga erishdi.
Mazkur o‘yin boshlanishi arafasida poytaxtimizdagi 23-sonli mehribonlik uyi tarbiyalanuvchi qizlariga “Lokomotiv” futbol klubi hamda “Sochnaya Dolina” savdo belgisi hamkorligida tayyorlangan sovg‘alar topshirildi.
Dastavval har ikki jamoa futbolchilari maydonga mehribonlik uyi tarbiyalanuvchilari hamroxligida chiqib kelishdi. So‘ngra 23-mehribonlik uyida tarbiyalanayotgan qizlarga 8-mart “Xalqaro xotin-qizlar kuni” bayrami munosabati bilan tayyorlangan sovg‘a-salomlar ulashildi.
