Misrlik taniqli arxeolog Zahiy Havass "Barselona" hujumchisi Lionel Messi sha’niga aytgan so‘zlari bo‘yicha raddiya berdi.

"Men hech qachon Messini ahmoq demaganman. Bunaqa narsa umuman bo‘lmagan. Mening so‘zlarimni noto‘g‘ri tarjima qilishibdi. Gap shundaki, tarjimon men aytgan gaplarni oxirigacha tarjima qilmagan.

Messi jahondagi eng muhim insonlardan biri ekanini ta’kidlab o‘tgandim. Bundan tashqari, uning Misrga tashrifi biz uchun muhim ahamiyatga ega edi. Bu haqda barcha biladi.

Shaxsan o‘zim Messidan hayratlanaman va uning o‘yinlarini o‘tkazib yubormasdan ko‘raman. U futbol tarixidagi eng yaxshi futbolchi ekaniga ishonaman. Men uni yaxshi ko‘raman va hurmat qilaman. Bir necha kun avval tizzamni murakkab operasiya qildirganimga qaramay, men u bilan uchrashuvga tashrif buyurdim.

Yana bir marta takrorlayman, tarjimon so‘zlarinim oxirigacha tarjima qilib bera olmadi. Axir Messi ingliz tilini bilmaydi. Men Messini xafa qilishim mumkin emas, boisi uning o‘yinlaridan hayratlanaman", – dedi arxeolog AS nashriga bergan intervyusida.

Eslatib o‘tamiz, Messi yaqinda Misrga tashrif buyurib, xayriya tadbirida ishtirok etib qaytgandi.