OAV xabarlariga ko‘ra, «Real Madrid» yozda Endrik bo‘yicha keladigan takliflarni ko‘rib chiqishga tayyor.
Madridliklar futbolchining sotuvidan kamida 60 million yevro ishlab olmoqchi. Hujumchining xizmatlariga APL klublari qiziqish bildirmoqda. Eslatib o‘tamiz, o‘tgan transfer oynasida Endrik ijara asosida «Lion» jamoasiga yo‘l olgan edi.
Endrik «Real» safida jami 40 ta uchrashuvda maydonga tushgan. Ushbu bahslarda forvard yettita gol urdi va bitta golli uzatmani amalga oshirdi. Hozirda madridliklar La Liga turnir jadvalida ikkinchi o‘rinda borishmoqda va peshqadam «Barselona»dan to‘rt ochkoga ortda qolishmoqda. 27-turda «Real» «Selta»ga qarshi bahs olib boradi.
