"Barselona" bosh murabbiyi Xans-Diter Flik Ispaniya Kubogi yarim finali doirasida Madridning "Atletiko" jamoasiga qarshi bo‘lib o‘tadigan muhim bahsda asosiy chap qanot himoyachisi kim bo‘lishini belgilab oldi.

To‘qnashuvning javob uchrashuvi 3 mart kuni "Kamp Nou" stadionida bo‘lib o‘tadi. Finalga yo‘l olish uchun kataloniyaliklar haqiqiy mo‘’jiza ko‘rsatishlari kerak, chunki dastlabki o‘yinda ular 0:4 hisobida imkoniyatni boy berishgan. Mundo Deportivo nashrining xabar berishicha, Flik asosiy tarkibda Joau Kanseluni maydonga tushirishni rejalashtirmoqda. Portugaliyalik futbolchi chap qanot himoyasida Alexandro Baldening o‘rnini egallaydi.

"Barselona" Kanseluni qishki transfer oynasida Saudiya Arabistonining "Al-Hilol" klubidan ijaraga olgan edi. 22 fevral kuni 31 yoshli futbolchi "Levante"ga qarshi bahsda (3:0) golli uzatmani amalga oshirib, o‘zini yorqin ko‘rsatgan bo‘lsa, "Vilyarreal" bilan kechgan oxirgi o‘yinda (4:1) zaxirada qoldirilgan edi.