"Барселона" бош мураббийи Ханс-Дитер Флик Испания Кубоги ярим финали доирасида Мадриднинг "Атлетико" жамоасига қарши бўлиб ўтадиган муҳим баҳсда асосий чап қанот ҳимоячиси ким бўлишини белгилаб олди.
Тўқнашувнинг жавоб учрашуви 3 март куни "Камп Ноу" стадионида бўлиб ўтади. Финалга йўл олиш учун каталонияликлар ҳақиқий мўъжиза кўрсатишлари керак, чунки дастлабки ўйинда улар 0:4 ҳисобида имкониятни бой беришган. Mundo Deportivo нашрининг хабар беришича, Флик асосий таркибда Жоау Канселуни майдонга туширишни режалаштирмоқда. Португалиялик футболчи чап қанот ҳимоясида Алехандро Бальденинг ўрнини эгаллайди.
"Барселона" Канселуни қишки трансфер ойнасида Саудия Арабистонининг "Ал-Ҳилол" клубидан ижарага олган эди. 22 февраль куни 31 ёшли футболчи "Леванте"га қарши баҳсда (3:0) голли узатмани амалга ошириб, ўзини ёрқин кўрсатган бўлса, "Вильярреал" билан кечган охирги ўйинда (4:1) захирада қолдирилган эди.
