O‘zbekistonlik bokschi Shohjahon Ergashev professional boksda o‘zining 9-jangini afrikalik raqibiga qarshi o‘tkazadi.
Borgan sari mutaxassislar e’tiboriga tushayotgan hamyurtimizning navbatdagi jangi 25 mart kuni Rossiyaning Sankt-Peterburg shahrida bo‘lib o‘tadi. Fevral oyida Moskvada gruziyalik Ruben Movsesyanni 1-raunddayoq mag‘lub etgan Shohjahonning navbatdagi raqibi Ugandalik Hamza Sempevo bo‘ladi.
Ugandaning 2ta vazn toifasida chempioni hamda Sharqiy va Markaziy Afrika chempionlik kamari sohibi hisoblanadigan Hamza professional boksda 14ta jangda zafar quchib 6tasida mag‘lub bo‘lgan.
Shohjahon va Hamza o‘rtasidagi reyting jangi 6 raundga mo‘ljallangan.
