Amerikalik bokschi Floyd Meyvezer boksga qaytganini e’lon qildi.
Avvalroq faoliyatini yakunlagan Meyvezer, irlandiyalik UFC vakili Konor Makgregor bilan jang uchun boksga qaytgani haqida gapirdi.
"Men boksga Konor bilan jang o‘tkazish uchun qaytaman. Bu safar men favoritman. Ammo pullar, UFC va boshqa bahonalarni eshitishni xohlamayman. Agar Konor bu jangni xohlayotgan bo‘lsa, unda shartnomaga imzo cheksin", – dedi bokschi FightHype xabarida.
Ma’lumot uchun, Meyvezer o‘zining so‘ngi jangini 2015 yilning sentyabrida, hamyurtiga qarshi o‘tkazgan va g‘alaba qozongan. Irlandiyalik sportchi esa so‘ngi jangini 2016 yilning noyabrida amerikalik Eddi Alvaresga qarshi o‘tkazib, g‘alaba qozongan edi.
