OCHL–2017 “S” guruhi 3-turidan o‘rin olgan “Bunyodkor” – “Zob Ahan” jamoalari o‘rtasidagi uchrashuvdan keyin “qaldirg‘ochlar” ustozi Sergey Lushchan o‘z fikrlari bilan o‘rtoqlashdi.

“Birinchi navbatda qayd etilgan natija uchun muxlislardan uzr so‘rayman. Ular bizni qo‘llab-quvvatlash uchun kelishgandi. Biroq biz mag‘lubiyat alamini totidik. Qatorasiga ikki o‘yinda qizil kartochka? Intizom borasida futbolchilarga kerakli ko‘rsatmalar beriladi. Ammo bu holatni izohlay olmayman. Bugun o‘ylagan rejalarimiz amalga oshmadi. Dostonbek Hamdamov yaxshi o‘ynadi. Otabek Shukurov ham yomon harakat qila olmadi, ammo u bundanda yaxshiroq o‘ynashga qodir. Ahmadaliyev, Komilov va Shomurodovning o‘rni bilindi. Murabbiy almashish orqali natija yaxshilanadigan bo‘lsa, bunga tayyorman. Barchasini rahbarlar hal qiladi”, – dedi Sergey Lushchan.

Eslatib o‘tamiz, “Bunyodkor” guruh bosqichida qatorasiga uch o‘yinda mag‘lubiyatga uchradi va so‘nggi – 4-pog‘onani band qilib turibdi. “Zob Ahan” 4 ochko bilan hozircha ikkinchi o‘rinda bormoqda.