Oliy ligadan o‘rin olgan "Navbahor" - "Neftchi" (1:1) o‘yinidan so‘ng, namanganlik futbolchilar o‘z fikrlarini aytishdi.

Jahongir MEHMONOV: “Neftchi”ga qarshi uchrashuvda qarshi hujumda gol o‘tkazib yubordik. Biz faqat g‘alaba qozonish uchun o‘ynagandik. Ushbu bahsda yo‘l qo‘yilgan xatolardan xulosa chiqarib keyingi o‘yinlarda mana shu xatolarimizni takrorlamaslikka harakat qilamiz. “Neftchi” jamoasi chiroyli o‘yin ko‘rsatdi. Ushbu jamoaning keyingi o‘yinlarda omad tilayman. Keyingi turda Samarqandning “Dinamo” jamoasiga qarshi bahs olib boramiz. Barcha biladi ushbu klub ayni damda 9 ochko bilan turnir jadvalida karvonboshilik qilmoqda. Bizularning yurishini to‘xtatishga harakat qilamiz”.

Alisher SAMATOV: “Neftchi” jamoasi ushbu bahsga jiddiy tayyorgarlik ko‘rgan ekan. G‘alaba qozonishimiz uchun bizga biroz omad yetishmadi, deb o‘ylayman. Biz ko‘proq hujumlar uyushtirdik, raqiblarimiz himoyaga yotib oldi. Shuning uchun ham durang natija qayd etdik. O‘tgan yilgi tarkib ham yaxshi edi, bu yilgisi ham chakki emas. Yoshlar va legionerlar tarkibga jalb qilingan. “Neftchi”ni o‘yin uslubi menga yoqdi”.