Олий лигадан ўрин олган "Навбаҳор" - "Нефтчи" (1:1) ўйинидан сўнг, наманганлик футболчилар ўз фикрларини айтишди.

Жаҳонгир МЕҲМОНОВ: “Нефтчи”га қарши учрашувда қарши ҳужумда гол ўтказиб юбордик. Биз фақат ғалаба қозониш учун ўйнагандик. Ушбу баҳсда йўл қўйилган хатолардан хулоса чиқариб кейинги ўйинларда мана шу хатоларимизни такрорламасликка ҳаракат қиламиз. “Нефтчи” жамоаси чиройли ўйин кўрсатди. Ушбу жамоанинг кейинги ўйинларда омад тилайман. Кейинги турда Самарқанднинг “Динамо” жамоасига қарши баҳс олиб борамиз. Барча билади ушбу клуб айни дамда 9 очко билан турнир жадвалида карвонбошилик қилмоқда. Бизуларнинг юришини тўхтатишга ҳаракат қиламиз”.

Алишер САМАТОВ: “Нефтчи” жамоаси ушбу баҳсга жиддий тайёргарлик кўрган экан. Ғалаба қозонишимиз учун бизга бироз омад етишмади, деб ўйлайман. Биз кўпроқ ҳужумлар уюштирдик, рақибларимиз ҳимояга ётиб олди. Шунинг учун ҳам дуранг натижа қайд этдик. Ўтган йилги таркиб ҳам яхши эди, бу йилгиси ҳам чакки эмас. Ёшлар ва легионерлар таркибга жалб қилинган. “Нефтчи”ни ўйин услуби менга ёқди”.