"Milan" vise-prezidenti Adriano Galliani agar klubni xitoylik investorlarga sotish amalga oshmay qolsa, hozirgi rahbar Silvio Berluskoni klubga rahbarlik qilishda davom etishi ma’lum qildi.
"Kelishuv o‘z muddatida amalga oshmadi, jarayon davom etyapti. Ammo aytib qo‘yay, biz yetim emasmiz.
Nima so‘rasa Vinsenso Montellada hamma narsa bor, o‘yinchilarga maosh to‘lanyapti, elektrni hech kim uzib qo‘ygani yo‘q. Agar xitoylik investorla kelmasa ham, bu Berluskoni klubni boshqara olmaydi degani emas. U buni 31 yildan beri uddalab kelmoqda", - deydi Galliani.
