"Lester" bosh murabbiyi Kreyg Shekspir Angliya chempionatining 29-turi doirasida "Vest Xem"ga qarshi bo‘lib o‘tgan o‘yin (3:2) borasida o‘z fikrini bildirib o‘tdi.

"Ushbu o‘yinda g‘alaba qozonish uchun qo‘limizdan kelgan barcha ishni qildik. O‘yinni juda yaxshi boshladik va gollar urdik. Lekin bahs so‘ngida bizni devorga qamab qo‘yishdi.

"Vest Xem"ga tan berish kerak. Raqibimiz ikkinchi bo‘limda juda yaxshi o‘yin ko‘rsatdi. Kasper Shmeyxel seyvlar namoyish qilishiga to‘g‘ri keldi. Yuragim qinidan chiqib ketay dedi. O‘yinchilarning konsentrasiyasini saqlab qolish uchun tashqi xotirjamlikni saqlab qolishga harakat qildim.

"Lester" ko‘rsatayotgan natijalar bilan faxrlanaman. Endi terma jamoalarning o‘yinlari uchun tanaffus e’lon qilinadi. Bu vaqtda biz keyingi o‘yinlar uchun batareyamizni qaytadan zaryadlab olishimiz kerak", – dedi Shekspir.