Milliy terma jamoamiz o‘yini bois, Oliy ligada yuzaga kelgan tanaffusdan unumli foydalanish maqsadida, «Nasaf» bugun “Dinamo” bilan o‘rtoqlik uchrashuvi o‘tkazdi.
O‘yin Samarqand shahridagi “Dinamo” stadionida bo‘lib o‘tdi.
O‘rtoqlik uchrashuvining 2-daqiqasidayoq “Nasaf” hisobda oldinga o‘tib oldi. Bobir Abduxoliqov raqib darvozasini aniq nishonga oldi – 0:1.
Bu goldan so‘ng samarqandlik futbolchilar hujumga zo‘r berishdi. Ana shunday hujumlarning birida, 21-daqiqada himoyachimiz M.Karimov jarima maydonida “Dinamo” jamoasi o‘yinchisini to‘xtatib qoldi. Bu vaziyatda uchrashuv hakami ikkilanmasdan 11 metrlik nuqtani ko‘rsatdi. Penaltini Sardor Sulaymanov aniq amalga oshirdi va oradagi hisobni tenglashtirdi - 1:1.
Birinchi bo‘limda boshqa gol urilmadi.
Ikkinchi bo‘limning 72-daqiqasiga kelib, maydon egalari hisobda oldinga o‘tib olishdi. “Dinamo” jamoasining ikkinchi golini Amirjon Safarov urdi.
Tajribali hujumchi Shaxboz Erkinov 76-daqiqada hisobni tenglashtirdi. Bu vaziyatda Sharof Muhitdinovning burchakdan oshirib bergan to‘pini Erkinov boshi bilan darvozaga joylab qo‘ydi – 2:2.
Shunday qilib, qiziqarli o‘tgan “Dinamo” – “Nasaf” o‘rtoqlik uchrashuvi durang natija bilan yakunlandi.
O‘rtoqlik uchrashuvi. 19.03.2017
“Dinamo” (Samarqand) – “Nasaf” (Qarshi) 2:2 (1:1)
Samarqand sh., “Dinamo” stadioni. 16:00
Bosh hakam: Zokir Qodirov (Navoiy)
Qanot hakamlari: Obid Jumaboyev, Ruslan Samandarov (ikkalasi ham Navoiydan)
Zaxira hakami: Amal Sultanov (Navoiy)
Gollar: Sardor Sulymanov (penaltidan), 21’-1:1, Amirjon Safarov, 72’-2:1 - Bobir Abduxoliqov, 2’-0:1, Shaxboz Erkinov, 76’-2:2.
“Dinamo”: 1.Mixail Naumov, 2. Mirkomil Lokayev, 3.Bunyod Isroilov (13. Asomiddin Mamatov 78), 8. Jasur Azimov, 10. Javohir Qahramonov (24. Timur Fayzullayev 75), 9. Sardor Sulaymonov 20. Amirjon Safarov 60), 14. Radu Rogak, 15. Shoxruxbek Holmatov, 18. Damir Nizanov (11. Abdumalik Abdullayev 52), 22. Abdujamol Isroilov (7. Omadjon Tayloqov 75), 23. Komil Sharofutdinov (21. Iskandar Xolmirzoyev 54).
Zaxira: 16. Rustam Toshturdiyev, 2. Mirkomil Lokayev, 4. Hakimxon Alamxonov, 24. Timur Fayzullayev.
“Nasaf”: 35.Sanjar Quvvatov (1.Umid Ergashev 67), 2.Akmal Shorahmedov (6.Aziz G‘aniyev 60), 4.Maqsud Karimov (31.Saydullo Rahmatov 82), 10.Dilshod Rahmatullayev (5.G‘olib G‘aybullayev 77), 14.SHarof Muhitdinov (8.Sirojiddin Qo‘ziyev 82), 18.Bahrom Abdurahimov (38.Doniyor Narzullayev 60), 20.Islom Kenjaboyev (15.SHaxboz Erkinov 60), 22.Igor Golban, 27.Islom Rashidxonov, 15.Bobir Abduxoliqov (9.Dilshod Xushbakov 60), 69.Dragan Cheran.
