«Barselona» klubi qanot himoyachisini izlashda davom etmoqda.

Kataloniya klubi «Valensiya» himoyachisi Joau Kanselu bilan shartnoma imzolashni yozgi transfer mavsumida asosiy maqsadga aylantirgan.

Bundan tashqari, «Arsenal» himoyachisi Ektor Belyerin ham «Barselona»ga o‘tishi mumkin, biroq uning 50 mln yevrolik transfer narxi kataloniyaliklarni o‘ylantirmoqda. Agar Kanseluning transferi amalga oshmasa, uning o‘rniga «Monako» himoyachisi Jibril Sidibe taklif qilinishi mumkin.

Nima bo‘lganda ham, «Barselona» yangi bosh murabbiy tayinlanmaguncha birorta futbolchini xarid qilmaydi.