Butunjahon boks seriyasining (WSB) VII mavsum «C» guruhi 5-turida O‘zbekistonning Uzbek Tigers jamoasi 1 aprel kuni Toshkentda Qozog‘istonning Astana Arlans bokschilariga qarshi bahs olib boradi.
Bo‘lajak janglarda Qozog‘iston sharafini himoya qiladigan bokschilar tarkibi ma’lum bo‘ldi:
-49 kilogramm: Temirtas Jusupov (Osiyo chempioni);
-56 kilogramm: Ilyos Suleymenov (Osiyo o‘yinlari g‘olibi);
-64 kilogamm: Dilmurod Mijitov (Qozog‘iston chempionati sovrindori);
-75 kilogramm: Saparbay Aydarov (Qozog‘iston chempioni);
+91 kilogramm: Anton Pinchuk (Osiyo chempioni va Osiyo o‘yinlari g‘olibi).
Eslatib o‘tamiz, WSB doirasida Uzbek Tigers 2017 yil hisobidan 4 ta jang o‘tkazdi. O‘zbekistonlik bokschilar avvaliga Xitoyda China Dragons’dan 2:3 hisobida yengilgan bo‘lsa, keyin Qozog‘istonda Astana Arlans’ga 1:4 hisobida imkoniyatni boy bergandi. Toshkentda bo‘lib o‘tgan 3-turda Uzbek Tigers Rossiyaning Patriot Boxing Team jamoasini 5:0 hisobida taslim qilishga erishdi. 4-turda esa O‘zbekiston jamoasi China Dragons’ni 5:0 hisobida yutdi va safardagi mag‘lubiyat uchun revansh oldi.
