Бутунжаҳон бокс сериясининг (WSB) VII мавсум «C» гуруҳи 5-турида Ўзбекистоннинг Uzbek Tigers жамоаси 1 апрель куни Тошкентда Қозоғистоннинг Astana Arlans боксчиларига қарши баҳс олиб боради.
Бўлажак жангларда Қозоғистон шарафини ҳимоя қиладиган боксчилар таркиби маълум бўлди:
-49 килограмм: Темиртас Жусупов (Осиё чемпиони);
-56 килограмм: Илёс Сулейменов (Осиё ўйинлари ғолиби);
-64 килогамм: Дилмурод Мижитов (Қозоғистон чемпионати совриндори);
-75 килограмм: Сапарбай Айдаров (Қозоғистон чемпиони);
+91 килограмм: Антон Пинчук (Осиё чемпиони ва Осиё ўйинлари ғолиби).
Эслатиб ўтамиз, WSB доирасида Uzbek Tigers 2017 йил ҳисобидан 4 та жанг ўтказди. Ўзбекистонлик боксчилар аввалига Хитойда China Dragons’дан 2:3 ҳисобида енгилган бўлса, кейин Қозоғистонда Astana Arlans’га 1:4 ҳисобида имкониятни бой берганди. Тошкентда бўлиб ўтган 3-турда Uzbek Tigers Россиянинг Patriot Boxing Team жамоасини 5:0 ҳисобида таслим қилишга эришди. 4-турда эса Ўзбекистон жамоаси China Dragons’ни 5:0 ҳисобида ютди ва сафардаги мағлубият учун реванш олди.
