Lukaku, Azar, Aleksis Sanches, Ibragimovich, yoki Harri Keyn? Qaysi biri Premyer Liganing eng yaxshi o‘yinchisi sovriniga da’vogarlikda Ngolo Kantedan o‘zib ketadi?
Ngolo Kante mana bir necha oylardan buyon o‘zining yuqori saviyasini ko‘rsatib kelmoqda. Hozirda u Premyer Liganing eng yaxshi o‘yinchilaridan biri, agarda eng yaxshisi bo‘lmasa albatta. Biroq bu sovrin uchun unga raqobatchilik qiladigan qaysi futbolchilar bor? Goalnashri bunday futbolchilarni eslatib o‘tdi.
Eden Azar
2015-yilda « Chelsi » bilan ajoyib mavsumni o‘tkazgan Azar Premyer Liganing eng yaxshi futbolchisi (14 gol, 9 golli uzatma) bo‘lgan, «Oltin to‘p»ga da’vogarlar safida 8-o‘rinni band etgan edi. Azar o‘sha mavsumda haqiqatdan yuqori o‘yinlarini namoyish etgandi. Biroq, o‘tgan mavsumda uning o‘yinida pasayish kuzatildi va ishlari ko‘ngildagidek kechmadi. Jamoaga Konte kelgach esa, belgiyalik futbolchi o‘zining sport formasini qayta tiklab oldi va hozirda yana yuqori saviyadagi o‘yinlarini ko‘rsatmoqda. «Lill»ning sobi a’zosi hozirda 26 uchrashuvda maydonga tushib, 11 gol, 4 golli uzatmani amalga oshirgan.
Mavsumning eng yaxshi o‘yinchisi bo‘lish uchun imkoniyati : 50 %. Barchasi uning mavsum yakunini qanday o‘tkazishiga bo‘gliq.
Harri Keyn
Hozirda 19 goli bilan Premyer Liga to‘purarlari safida 2-o‘rinda borayotgan Keyn «Tottenxem» safida navbatdagi mavsumda ham o‘zining ajoyib o‘yinlarini ko‘rsatmoqda. O‘tgan yilgi mavsumda Premyer Ligada « Oltin butsa » sohibi bo‘lgan Keyn bu mavsumda ham katta qahramonliklar ko‘rsatishi mumkin edi. Biroq, « Miluoll »ga qarshi kechgan bahsda orttirib olgan jarohati tufayli uning o‘yinidagi samaradorlik biroz tushgandek. Shunga qaramay, Angliya chempionatining eng samarali hujumchisi hisoblanadi. Hujumchi har 99.9 daqiqada bir gol urishga erishmoqda. Premyer Ligada bunday ko‘rsatkichga boshqa birorta hujumchi teng kelolmaydi.
Mavsumning eng yaxshi o‘yinchisi bo‘lish uchun imkoniyati : 30 %. Keynda ajoyib imkoniyat bor edi, biroq uning jarohati barchasini o‘zgartirib yubordi.
Aleksis Sanches
Ushbu mavsum boshida Olive Jiruning o‘rnida harakat qilgan chililik futbolchi gollar shodasi qalashtirib tashladi. O‘zining eng yaxshi xususiyatlarini ochish bilan birga, Sanches Teo Uolkott va Mesut O‘zilga ham o‘ynashlariga imkoniyat berdi. G‘alabaga chanqoq Sanches maydonda haqiqiy jangchiga aylanadi. Bir necha marta o‘z jamoasini olg‘a yetaklay oldi ham. Biroq, so‘nggi vaqtlarda uning o‘yinidagi pasayish jamoasiga ham ta’sir qilmasdan qolmadi. Shunga qaramay, to‘purarlar ro‘yxatida 17 gol bilan 3-o‘rinda borayotgan Sanches mavsumning eng yaxshi o‘yinchisi bo‘lishga da’vogarlar ro‘yxatidan joy oldi.
Mavsumning eng yaxshi o‘yinchisi bo‘lish uchun imkoniyati : 10 %. Sanches startni yaxshi o‘tkazdi, biroq jamoasining hozirgi ahvoli uning imkoniyatlarini tushirib yubordi.
Zlatan Ibrahimovich
Mavsum boshida Zlatanni Premyer Liga uchun qarilik qiladi deb tanqid qilganlar mum tishlab qolgani aniq. Shvesiyalik hujumchi “Manchester Yunayted” libosida ajoyib mavsumni o‘tkazmoqda. “PSJ”ning sobiq vakili jamoasi uchun muhim gollarni urdi. Mourinyoning “qizil iblislari” hozirga kelib chempionatning 5-pog‘onasidan joy olgan. 4-o‘rindan esa ularni bor-yo‘g‘i 4 ochko ajratib turibdi. Boz ustiga, “Manchester Yunayted” 2 zaxira o‘yini bor. 25 uchrashuvda 15 gol urgan Zlatan barchani hayratlantirishda davom etmoqda.
Mavsumning eng yaxshi o‘yinchisi bo‘lish uchun imkoniyati : 50 %. Mavsumning yakuniy qismini fantastik o‘tkazsa va jamoasini kuchli to‘rtlikka kirishiga yordam bersa, Kanteni ortda qoldirishi mumkin.
Romelu Lukaku
Bu mavsumda Romelu Lukakuni kimdir to‘xtata oladimi? 21 gol urgan “Everton” hujumchisi Premyer Liga to‘purarlari peshqadami hisoblanadi. “Chelsi”ning sobiq a’zosi “Everton”ning asosiy o‘yinchilaridan biri hisoblanadi. Belgiyalik hujumchi 1992-yildan buyon “Everton” tarkibida bir mavsumda 20 dan ortiq gol urgan futbolchiga aylnadi. Bundan tashqari 24 yoshdan oldin Premyer Ligada 80 gol urgan 4-futbolchiga aylandi. Undan oldin bunday ko‘rsatkichga Maykl Ouyen, UYEyn Runi va Robbi Faulerlar erishgan edi. Qisqasi, Lukakuda ham mavsumning eng yaxshi o‘yinchisiga aylanish uchun imkoniyatlar bor.
Mavsumning eng yaxshi o‘yinchisi bo‘lish uchun imkoniyati : 40 %. Lukaku ajoyib mavsum o‘tkazayotganiga qaramay, jamoasi 7-o‘rinda bormoqda va bu uning imkoniyatlarini kamaytirmoqda.
