Bugun poytaxtimizdagi Grand Mir mehmonxonasida WSB – Jahon Boks Seriyalarining 7-mavsumidan o‘rin olgan "Uzbek Tigers" hamda "Astana Arlans" bahsi oldidan matbuot anjumani bo‘lib o‘tdi.

Anjumanning dastlabki qismida ikki jamoa vakillari OAV tomonidan berilgan savollarga javob berishgan bo‘lsa, so‘ngra bokschilarni vazn o‘lchash marosimi bo‘lib o‘tdi.

Eslatib o‘tamiz, 1 aprel kuni Toshkentdagi "O‘zbekiston" sport majmuasida o‘tkaziladigan muhim uchrashuvda"Uzbek Tigers" jamoasi sharafini quyidagi bokschilar himoya qiladi.  49 kilogramm vaznda Olimpiya chempioni -Hasanboy Do‘smatov, 56 kilogrammda  O‘zbekiston chempioni - Abdulhay Shorahmatov, 64 kilogammda esa  Jahon chempionati sovrindori - Elnur Abduraimov, 75 kilogrammda Osiyo o‘yinlari kumush medal sovrindori - Isroil Madrimov, vanixoyat 91 kgda  O‘zbekiston chempioni - Zuhriddin Mahkamov g‘oliblik uchun ringga ko‘tarilishadi. Juda ma’suliyatli va jiddiy musobaqada jamoamiz a’zolariga omad tilab qolamiz  va siz muxlislarni qo‘llab quvvatlashga chorlaymiz. Shu o‘rinda aytib o‘tish kerak "Astana Arlans" ham ushbu uchrashuvga eng kuchli bokschilar ya’ni 49 kilogrammda Osiyo chempioni Temirtas Jusupov, 56 kilogramm  vaznda  Osiyo o‘yinlari g‘olibi Ilyos Suleymenov, 64 kilogamm og‘irlikda  Qozog‘iston chempionati sovrindori Dilmurod Mijitov, 75 kgda Qozog‘iston chempioni Saparbay Aydarov91 kgda  Osiyo chempioni va Osiyo o‘yinlari g‘olibi Anton Pinchukni jalb etgan.      

Umumiy natijalarga to‘xtalib o‘tadigan bo‘lsak ketma-ket ikki g‘alabadan so‘ng "O‘zbek yo‘lbarslari" jamoasi 6 ochko bilan 2-o‘rinni egallab turibdi. Guruh peshqadami "Astana Arlans" hisobida esa 12 ochko bor.

1 aprel kungi raqiblarimiz guruhdan chiqish masalasini muddatidan oldin hal qilishgan. Har bir guruhdan ikkitadan jamoa 1/4 finalga yo‘llanma oladi.  Xozirgacha esa 4 ta jangdan keyin guruhdagi vaziyat:   

1. Astana Arlans - 12 ochko.    

2. Uzbek Tigers - 6 ochko    

3. Patriot Boksing Tim - 4 ochko.

4. Chayna Dragons - 3 ochko.