Бугун пойтахтимиздаги Гранд Мир меҳмонхонасида WSB – Жаҳон Бокс Серияларининг 7-мавсумидан ўрин олган "Uzbek Tigers" ҳамда "Astana Arlans" баҳси олдидан матбуот анжумани бўлиб ўтди.

Анжуманнинг дастлабки қисмида икки жамоа вакиллари ОАВ томонидан берилган саволларга жавоб беришган бўлса, сўнгра боксчиларни вазн ўлчаш маросими бўлиб ўтди.

Эслатиб ўтамиз, 1 апрел куни Тошкентдаги "Ўзбекистон" спорт мажмуасида ўтказиладиган муҳим учрашувда"Uzbek Tigers" жамоаси шарафини қуйидаги боксчилар ҳимоя қилади.  49 килограмм вазнда Олимпия чемпиони -Ҳасанбой Дўсматов, 56 килограммда  Ўзбекистон чемпиони - Абдулҳай Шораҳматов, 64 килогаммда эса  Жаҳон чемпионати совриндори - Элнур Абдураимов, 75 килограммда Осиё ўйинлари кумуш медал совриндори - Исроил Мадримов, ванихоят 91 кгда  Ўзбекистон чемпиони - Зуҳриддин Маҳкамов ғолиблик учун рингга кўтарилишади. Жуда маъсулиятли ва жиддий мусобақада жамоамиз аъзоларига омад тилаб қоламиз  ва сиз мухлисларни қўллаб қувватлашга чорлаймиз. Шу ўринда айтиб ўтиш керак "Astana Arlans" ҳам ушбу учрашувга энг кучли боксчилар яъни 49 килограммда Осиё чемпиони Темиртас Жусупов, 56 килограмм  вазнда  Осиё ўйинлари ғолиби Илёс Сулейменов, 64 килогамм оғирликда  Қозоғистон чемпионати совриндори Дилмурод Мижитов, 75 кгда Қозоғистон чемпиони Сапарбай Айдаров91 кгда  Осиё чемпиони ва Осиё ўйинлари ғолиби Антон Пинчукни жалб этган.      

Умумий натижаларга тўхталиб ўтадиган бўлсак кетма-кет икки ғалабадан сўнг "Ўзбек йўлбарслари" жамоаси 6 очко билан 2-ўринни эгаллаб турибди. Гуруҳ пешқадами "Astana Arlans" ҳисобида эса 12 очко бор.

1 апрел кунги рақибларимиз гуруҳдан чиқиш масаласини муддатидан олдин ҳал қилишган. Ҳар бир гуруҳдан иккитадан жамоа 1/4 финалга йўлланма олади.  Хозиргача эса 4 та жангдан кейин гуруҳдаги вазият:   

1. Astana Arlans - 12 очко.    

2. Uzbek Tigers - 6 очко    

3. Патриот Боксинг Тим - 4 очко.

4. Чайна Драгонс - 3 очко.