Ispaniyada «Barselona B» - «Eldense» o‘yini atrofidagi mojaro avj olmoqda.

Avvalroq, mamlakat 3-divizionida ishtirok etuvchi bu jamoalar o‘yinida, 12:0 hisobida «Barselona» yoshlari g‘alaba qozongandi. Shundan so‘ng, kutilmaganda «Eldense» musobaqada ishtirok etishdan bosh tortdi. Klub hujumchilaridan biri Sheyk Saad esa 4 nafar jamoadoshini o‘yinni sotganlikda aybladi.

Marca xabariga ko‘ra, bu mojaro haliyam davom etmoqda. Bugun «Eldense» murabbiylaridan biri Filippo di Piyerro polisiya mahkamasiga olib ketilgan. U korrupsiya va o‘yinni sotganlikda ayblanmoqda. Bundan tashqari, jamoaning bir qator futbolchilari ustidan kelishilgan o‘yinda ishtirok etganligi uchun tergov harakatlari boshlangan.