Испанияда «Барселона Б» - «Эльденсе» ўйини атрофидаги можаро авж олмоқда.

Аввалроқ, мамлакат 3-дивизионида иштирок этувчи бу жамоалар ўйинида, 12:0 ҳисобида «Барселона» ёшлари ғалаба қозонганди. Шундан сўнг, кутилмаганда «Эльденсе» мусобақада иштирок этишдан бош тортди. Клуб ҳужумчиларидан бири Шейк Саад эса 4 нафар жамоадошини ўйинни сотганликда айблади.

Marca хабарига кўра, бу можаро ҳалиям давом этмоқда. Бугун «Эльденсе» мураббийларидан бири Филиппо ди Пиерро полиция маҳкамасига олиб кетилган. У коррупция ва ўйинни сотганликда айбланмоқда. Бундан ташқари, жамоанинг бир қатор футболчилари устидан келишилган ўйинда иштирок этганлиги учун тергов ҳаракатлари бошланган.