“Paxtakor” FK ta’sischilari o‘zgargani haqida tarqatilgan xabarlar haqiqatdan yiroqdir.

Klub rasmiylarining xabariga ko‘ra, “Paxtakor” FK mas’uliyati cheklangan jamiyat hisoblanib, u 100 % Toshkent shahar hokimiyati tasarrufida. Internet saytlarida bir necha bor tarqatilgan xabarlar esa hech qanday asosga ega emas. Ayni vaqtda “Paxtakor” FK bu xabarlar yuzasidan sudga murojaat qilish huquqiga ega.

Klub barcha turdagi OAV vakillariga murojaat qilib, “Paxtakor” FK haqidagi xabarlar faqatgina klub rasmiy saytida tarqatilgan taqdirda haqiqatga to‘g‘ri kelishini bildirgan.

Eslatib o‘tamiz, avvalroq “Paxtakor” futbol klubi aksiyalari tadbirkor Alisher Usmonov tomonidan sotib olingani xabar qilingan edi.