“Пахтакор” ФК таъсисчилари ўзгаргани ҳақида тарқатилган хабарлар ҳақиқатдан йироқдир.

Клуб расмийларининг хабарига кўра, “Пахтакор” ФК масъулияти чекланган жамият ҳисобланиб, у 100 % Тошкент шаҳар ҳокимияти тасарруфида. Интернет сайтларида бир неча бор тарқатилган хабарлар эса ҳеч қандай асосга эга эмас. Айни вақтда “Пахтакор” ФК бу хабарлар юзасидан судга мурожаат қилиш ҳуқуқига эга.

Клуб барча турдаги ОАВ вакилларига мурожаат қилиб, “Пахтакор” ФК ҳақидаги хабарлар фақатгина клуб расмий сайтида тарқатилган тақдирда ҳақиқатга тўғри келишини билдирган.

Эслатиб ўтамиз, аввалроқ “Пахтакор” футбол клуби акциялари тадбиркор Алишер Усмонов томонидан сотиб олингани хабар қилинган эди.