Die Welt xabariga ko‘ra, Germaniya bosh prokuraturasi «Borussiya» D avtobusi oldidagi portlash bo‘yicha olib borilayotgan tergovga qo‘shildi.
Ma’lumki, Karlsruedagi bosh prokuratura ofisi o‘ta og‘ir va shov-shuvli jinoyatlarning tergovi bilan shug‘ullanadi. Xususan, davlat bosh prokurori terrorizm va zo‘ravonli ekstremizm bilan bog‘liq jinoyat ishlarini olib boradi.
Dortmund polisiyasi hozircha portlash yuzasidan olib borilayotgan surishtiruv ishlari haqida ochiq ma’lumot bermagan. Polisiya rahbari Gregor Lange gapiga ko‘ra, polisiya voqea sabablari sifatida turli variantlarni o‘rganib chiqmoqda.
