Die Welt хабарига кўра, Германия бош прокуратураси «Боруссия» Д автобуси олдидаги портлаш бўйича олиб борилаётган терговга қўшилди.
Маълумки, Карлсруэдаги бош прокуратура офиси ўта оғир ва шов-шувли жиноятларнинг тергови билан шуғулланади. Хусусан, давлат бош прокурори терроризм ва зўравонли экстремизм билан боғлиқ жиноят ишларини олиб боради.
Дортмунд полицияси ҳозирча портлаш юзасидан олиб борилаётган суриштирув ишлари ҳақида очиқ маълумот бермаган. Полиция раҳбари Грегор Ланге гапига кўра, полиция воқеа сабаблари сифатида турли вариантларни ўрганиб чиқмоқда.
