Myunxen polisiyasi Chempionlar ligasidan o‘rin olgan «Bavariya» - «Real» o‘yinidan oldin xavfsizlik choralarini kuchaytirdi.
Mahalliy hokimiyat vakillari o‘yinning o‘tkazilishiga hech narsa xavf solmayotganiga ishonchi komil, biroq qo‘shimcha xavfsizlik choralari baribir qo‘llanadi.
Xususan, «Real» avtobusi futbolchi va murabbiylarning o‘tirishidan oldin, polisiya tomonidan maxsus o‘rgatilgan itlar bilan ko‘rikdan o‘tkaziladi.
Avtobus yo‘nalishi ham o‘zgartiriladi va uni polisiya qo‘riqlab boradi. Bundan tashqari, qaysi yo‘llar orqali stadionga yetib kelishi sir saqlanadi.
Eslatib o‘tamiz, kecha Dortmundda «Borussiya» D klubining avtobusi oldida uyushtirilgan portlash natijasida 1 futbolchi yengil jarohat olgan edi.
