Мюнхен полицияси Чемпионлар лигасидан ўрин олган «Бавария» - «Реал» ўйинидан олдин хавфсизлик чораларини кучайтирди.

Маҳаллий ҳокимият вакиллари ўйиннинг ўтказилишига ҳеч нарса хавф солмаётганига ишончи комил, бироқ қўшимча хавфсизлик чоралари барибир қўлланади.

Хусусан, «Реал» автобуси футболчи ва мураббийларнинг ўтиришидан олдин, полиция томонидан махсус ўргатилган итлар билан кўрикдан ўтказилади.

Автобус йўналиши ҳам ўзгартирилади ва уни полиция қўриқлаб боради. Бундан ташқари, қайси йўллар орқали стадионга етиб келиши сир сақланади.

Эслатиб ўтамиз, кеча Дортмундда «Боруссия» Д клубининг автобуси олдида уюштирилган портлаш натижасида 1 футболчи енгил жароҳат олган эди.