«Sevinch» O‘zbekiston Superkubogi uchrashuviga qizg‘in tayyorgarlik ko‘rmoqda.
Bugun qarshiliklar G‘uzorning “Sho‘rtan” jamoasi bilan “Nasaf” futbol maktabi qoshidagi mashg‘ulotlar maydonida nazoart o‘yinini o‘tkazdi.
O‘yinda milliy terma jamoamiz safida bo‘lib turgan futbolchilar qatnashmadi.
Nazorat uchrashuvi qiziqarli va murosasiz bo‘ldi. Uchrashuvdagi hisob “Sevinch” tomonidan ochildi. Dastlabki gol muallifi Maftuna Panjiyeva bo‘ldi. Bunda Ablyakimova g‘uzorlik futbolchi qizlar tomonidan jarima maydonida to‘xtatib qolindi va 11 metrlik jarimani golga aylantirishda Panjiyeva adashmadi – 1:0.
Oradan uncha vaqt o‘tmasdan hisob 3:0ga o‘zgardi. Ushbu gollarni yana Panjiyeva va Ablyakimova kiritishdi – 3:0.
Bu yilgi mavsumdan “Sho‘rtan” jamoasi sharafini himoya qilishga qaror qilgan Zebo Jo‘rayeva javob qaytarishga erishdi – 3:1. Dastlabki bo‘lim ana shu hisobda yakun topdi.
Nazorat uchrashuvining ikkinchi bo‘limi ham gollarga boy bo‘ldi. Bu bo‘limdagi gollarga Maftuna Panjiyeva, Ilvina Ablyakimova va Gulzoda Amirova mualliflik qilishgan bo‘lsa, “Sho‘rtan” jamoasining qolgan ikki goli ham Zebo Jo‘rayeva tomonidan kiritildi. Shunday qilib, nazorat uchrashuvi 6:3 hisobida “Sevinch”ning g‘alabasi bilan nihoyasiga yetdi.
Nazorat uchrashuvi.
“Sevinch” (Qarshi) – “Sho‘rtan” (G‘uzor) 6:3
“Nasaf” FM maydoni. Soat 16:00da
Gollar: Maftuna Panjiyeva (3), Ilvina Ablyakimova (2), Gulzoda Amirova – Zebo Jo‘rayeva (3)
“Sevinch”: Nargiza Maxmudova, Tanzila Zarbiyeva, Kamola Riskiyeva, Shaxzoda Jamolova, Maftuna Panjiyeva, Sevara Normurodova, Ilvina Ablyakimova, Shaxnoza Qurbanova, Shodiya Tosheva, Shaxnoza Shakirova, Shoira Qulturayeva.
Zaxiradan maydonga tushganlar: Oliya Axmedova, Feruza Boboxo‘jayeva, Gulzoda Amirova, So‘g‘diyona Allamurodova, Shaxzoda Tojiddinova.
“Sho‘rtan”: Sarvinoz Ergasheva, Muxlisa Mirzayorova, Yulduz Shodiyeva, Djesika Kruchinina, Dildora Ergasheva, Fazilat Baxromova, Baxtishod To‘xtayeva, Sadoqat Ro‘ziyeva, Zebo Jo‘rayeva, Maftuna Jo‘rayeva, Gulzoda Jo‘rayeva.
Zaxiradan maydonga tushganlar: Zarina Saidova, Zarina Ismatova Sarvinoz Nazarova, Gulira’no Tolmasova, Sayyora Nurmatova, Uldona To‘xtayeva.
